Vrach-laborant

Vazifalar: -OIV infeksiyasini aniqlash, tasdiqlash va monitoring qilish uchun laborator tekshiruvlarni tashkil etish va o‘tkazish.

-Qon va boshqa biologik materiallarni qabul qilish, ro‘yxatga olish, saqlash hamda tekshiruvga tayyorlash jarayonlarini nazorat qilish.

-Serologik, immunologik, gematologik, biokimyoviy va molekulyar laborator tekshiruvlarni bajarish yoki ularning bajarilishini nazorat qilish.

-OIV bo‘yicha skrining, tasdiqlovchi va nazorat tahlillari natijalarini tahlil qilish hamda rasmiylashtirish.

-Laboratoriya natijalarining aniqligi va ishonchliligini ta’minlash uchun ichki va tashqi sifat nazoratini olib borish. Talablar: -Oliy tibbiy ma’lumotga ega bo‘lish.

-Klinik laborator diagnostika mutaxassisligi bo‘yicha tayyorgarlikdan o‘tgan bo‘lish.

-Amaldagi mutaxassis sertifikati (yoki qonunchilikda nazarda tutilgan akkreditatsiya hujjati)ga ega bo‘lish.

-OIV infeksiyasi laborator diagnostikasi bo‘yicha qo‘shimcha tayyorgarlik yoki malaka oshirish kurslarini o‘tagan bo‘lishi maqsadga muvofiq. Imkoniyatlar: -OIV infeksiyasi va boshqa laborator tekshiruvlar uchun zarur biologik materiallarni qabul qilish va tekshirishni tashkil etish.

-Tashxisni aniqlashtirish maqsadida qo‘shimcha laborator tekshiruvlarni tavsiya etish.

-Laboratoriya natijalarining sifati va ishonchliligini ta’minlash uchun nazorat tadbirlarini o‘tkazish.

-Laboratoriya faoliyatini takomillashtirish bo‘yicha rahbariyatga takliflar kiritish.

-O‘z vakolati doirasida laboratoriya xodimlariga uslubiy ko‘rsatmalar berish va ularning ishini muvofiqlashtirish.

-OIV diagnostikasi bo‘yicha amaldagi standartlar, klinik protokollar va me’yoriy hujjatlarga muvofiq qarorlar qabul qilish.