Ovoz rejissyori

1. Lavozim vazifalari.

Ovoz rejissyori (operator) Qoraqalpog‘iston Respublikasi Madaniyat vazirligi, viloyatlar va Toshkent shahar madaniyat boshqarmalari bilankelishgan holda Qoraqalpog‘iston Respublikasi, viloyatlar va Toshkent shahar madaniyat markazlari direktori hamda tuman (shahar) madaniyat bo‘limi mudiri – madaniyat markazi direktorlari tomonidan lavozimga tayinlanadi va lavozimidan ozod etiladi.

Sahnada akustikani yuqori saviyada bo‘lishini ta’minlash, radiokarnaylarni, mikrofonlarni ta’mirlash va sozlash, fonoteka fondini shakllantirish, mavjud fonoteka materiallarini (musiqa, shovqin) qabul qilish, hisobga olish va saqlash; fonoteka materiallarini ishlatilishini nazorat qilish uni o‘z vaqtida qaytarilishini ta’minlashmusiqa, shovqin va boshqa hokozolarni farqlash, ularni qayta yozish va unumli ishlatish, fleshka, disk bilan ishlashni bilish, saqlash, yelimlash qoidalarini bilish; har bir madaniy tadbir va konsert dasturlarini saqlash va tadbir davomida foydalanish, radioapparatlarni prinsipial va montaj chizmalarini o‘qiy olish, ishdan chiqqan qismlarni o‘xshash qismlar bilan almashtirish, ishlatiladigan nazorat-o‘lchov uskunalarini ishlatish va ta’mirlash qoidalarini bilish;

sahnada ovozni kuchaytirib berish, ularni bir maromda ishlatish, elektrik va boshqa texnik xodimlar bilan hamkorlik qilish, gastrolga yuboriladigan ijodiy jamoalar konsertlarini ovoz kuchaytirgich va mikrafonlar bilan ta’minlab berish;

madaniyat markazi fonatikasi arxivini tashkil qilish (madaniy tadbirlar va konsert dasturlarini fleshka va disklarga tushirish, saqlash), nosoz asbob uchkunalardan foydalanmaslik (kabel, mikrofon, miksher);

jamoalarning yangi va joriy konsert dasturlarini ovoz texnik jihozlari bilan musiqiy bezash bo‘yicha bevosita ishlarni amalga oshiradi. jamoalarni konsert dasturlari, ko‘chma va gastrol safarlarida ovoz bilan jihozlanishi ustida ish olib borish;

ovoz kuchaytirgichga xizmat ko‘rsatishni, ovoz texnika jihozlarining shayligi va butligi uchun majburiyatni bevosita amalga oshirish; jihozlarda yozuvlarni amalga oshirilishini tayyorlash, tovush signalining parametrlari va rezerv (zahira) jihozlarga o‘tilishini nazoratga olish;

jihozlardagi nuqsonlarni bartaraf qilinishi uchun choralar ko‘rish, sahna va tomosha zalida ovoz kuchaytiruvchi moslamalarini belgilangan talab darajasida ishlashini, teznika xavfsizligi qoidalariga rioya etilishini ta’minsh; barcha madaniy-ma’rifiy tadbirlarda ovoz kuchaytirgich moslamalari bilan qatnashishi shart; bajarilgan ishlar yuzasidan hisobotlarini tayyorlab, tadbirlardan olingan fotosurat va ma’lumotlardan yig‘ma jild tayyorlaydi;

Madaniyat markazidagi ovoz yozish studiyalarida madaniy-ma’rifiy ishlarda musiqiy asarlarni yozish, sayqal berish kabi vazifalarni bajaradi; Madaniyat markazida tashkil qilinadigan ommaviy-madaniy tadbirlarda “jonli” ovoz bilan ishlaydi va murakkab ovoz oqimini shovqinlardan holi qilishi, zalning akkustik hususiyatlaridan kelib chiqqan holda to‘g‘rilashi va har bir cholg‘u asbobi va inson ovozi balandligini nazorat qilib boradi;

Boshqaruv pulti va boshqa maxsus jihozlar yordamida ovozlarni moslashtiradi. tovushning texnik sifati va badiiy darajasini ta’minlaydi, turli tadbirlarning senariysini tuzishda ishtirok etadi, markaz xodimlari bilan birgalikda spektakl va turli tadbirlarning tovushi ustida ishlaydi, spektakllar, konsertlar va boshqa tadbirlarda ovoz va shovqinli tovushlarning sayqalini amalga oshiradi;

Ovoz texnikasi jihozlarining ishlashini nazorat qiladi, jihozlar ishdan chiqqan taqdirda, xo‘jalik ishlari bo‘yicha ma’sulga o‘z vaqtida xabar beradi. Repitetsiya va ovoz yozishni o‘tkazish uchun zarur bo‘ladigan ovoz muxandislik uskunalarini aniqlaydi, mikrofonlarni joylashtirishni boshqaradi maxsus ovoz efektlarini sinov yozuvlarini o‘tkizadi;

Mehnat muhofazasi, xavfsizlik texnikasi va yong‘in xavfsizligi qoidalariga rioya qiladi;

Mahallalar, maktab, bo‘g‘cha muassasalari bilan aloqa va hamkorligini amalga oshiradi, o‘rnatilgan tartibda va qonunchilik asosida pullik xizmat ko‘rsatish bo‘yicha shartnomalar tuzadi, aholini madaniyat markaziga jalb etadi.

Mehnat va ijro intizomiga, texnika va yong‘in xavfsizligiga, sanitariya va gigiena qoidalariga, xodimlar o‘rtasida o‘zaro hurmat va odob-axloq mezonlariga, ichki tartib qoidalarga rioya qiladi.

2. Bilishi lozim.

Quyidagilar: madaniyat markazlari faoliyatiga oid normativ-huquqiy hujjatlarni; zamonaviy axborot texnologiyalardan foydalana olishi hamda ularni joriy etish usullarini; jamoatchilik bilan ishlashni hamda madaniy va ma’rifiy tadbirlarni tashkil etish tartib qoidalarga rioya etishni; ovoz kuchaytiruvchi moslamalarni ta’mirlash va sozlashni bilishi; fonoteka materiallarini (musiqa, shovqin) qabul qilishni, hisobga olishni; nazorat-o‘lchov uskunalarini ishlatish va ta’mirlash qoidalarini va ovoz sozlash tembrlarini bilishi lozim.

3. Malaka talablari.

Quyidagilar:

madaniyat va san’at hamda radioeshittirish va telekomunikatsiyalar soha bo‘yicha oliy yoki o‘rta-maxsus ma’lumotga ega bo‘lishi;

Ovoz rejissyori (operator) madaniy-ma’rifiy muassasalar ish faoliyatini tubdan yaxshi tushunadigan mutaxassis bo‘lishi lozim