Liboschi

Liboschi lavozim majburiyatlari:

Oʻz mehnat vazifalarini halol, vijdonan bajarish, mehnat intizomiga rioya qilish;

spektakl oldidan liboslar, poyabzal va bosh kiyimlarni tayyorlash bo‘yicha barcha ishlarni bajarish, spektakl va repetitsiyalarni o‘tkazish davomida aktyorlarga liboslarni kiyish va almashtirishga yordam berish, sahnaga chiqishdan avval aktyorlarning tashqi ko‘rinishlarini kuzatish;

repetitsiyalarni o‘tkazish va libosxona bo‘yicha boshqa ishlarni amalga oshirish;

sahnada liboslarni (ilgaklarga, sahna dekoratsiyasi qismini tashkil etuvchi shkaflarga) osib qo‘yish;

liboslarni saqlash bo‘yicha bo‘lim mudiri boshchiligida liboslar, poyabzal va bosh kiyimlarni ko‘p ishlatiladigan garderob zahirasidan yangi spektakllar uchun tanlash;

navbatdagi spektaklga libos va bosh kiyimlarni tayyorlash (tozalaydi, dazmollaydi, mayda ta’mirlash ishlari, aktyorlarning xonalariga yetkazish).

ko‘chma spektakllar va gastrol safarlari uchun liboslarni tayyorlash va joylashtirish ishlarida qatnashish; 

aktyorlarga chaqqon va odob bilan xizmat ko‘rsatish majburiyati bilan, aktyorning kayfiyati spektaklning muvaffaqiyati bilan bog‘liq ekanligini unutmasligi kerak;

muassasa Ustavi, ijro intizomi va ichki mehnat tartib qoidalari, xavfsizlik, mehnat muhofazasi va yong‘in xavfsizligi qoidalari, odob-axloq qoidalari, kiyinish madaniyati talablarini bajarilishini ta’minlash va rioya qilish.

O‘z zimmasiga yuklatilgan vazifalarning sifatli va belgilangan muddatlarda bajarmaganligi, ijro intizomi va ichki mehnat tartib qoidalariga rioya qilmasligi, xavfsizlik, mehnat muhofazasi va yong‘in xavfsizligi qoidalariga rioya qilmasligi, muassasaning moddiy boyliklariga zarar yetkazganligi, O‘zbekiston Respublikasi normativ-huquqiy hujjatlari hamda vazirlikning idoraviy normativ hujjatlarida belgilangan rasmiy hujjatlarning maxfiyligini ta’minlamagani uchun amaldagi qonunchilik hujjatlariga muvofiq tegishli javobgarlikka tortiladi.