Tadqiqotlar va tahlil departamenti Moliya sohasidagi tadqiqotlar boshqarmasi iqtisodchisi

Vazifalar: - Moliya sohasidagi tadqiqotlar boshqarmasi iqtisodchisining asosiy vazifasi bank-moliya sohasidagi ma’lumotlarni yig‘ish, qayta ishlash va dastlabki tahlil qilish jarayonlarida ishtirok etishdan iborat. U kreditlar, depozitlar, foiz stavkalari, bank likvidligi va boshqa moliyaviy indikatorlar bo‘yicha ma’lumotlarni to‘plash, tekshirish va tizimlashtirish ishlarini amalga oshiradi;

- Jadval, grafik va qisqa tahliliy izohlarni tayyorlash, bank-moliya bozorlaridagi o‘zgarishlarni muntazam kuzatish hamda dastlabki monitoring yuritish vazifalarini bajaradi. Zarur hollarda katta yoki yetakchi iqtisodchilarning topshiriqlariga muvofiq hisob-kitoblar va taqqoslashlarni amalga oshiradi;

-Tahliliy hisobotlar, ma’lumotnomalar va taqdimotlar uchun ishchi materiallarni tayyorlashda ishtirok etadi. O‘ziga yuklatilgan kundalik vazifalarni belgilangan muddatlarda bajarish, ma’lumotlar aniqligini tekshirish hamda rahbariyat topshiriqlarini sifatli ijro etish orqali boshqarma faoliyatini qo‘llab-quvvatlaydi.

Talablar:

Xalqaro va milliy sertifikatlarning mavjudligiga ustuvorlik beriladi.

Davlat tilini mukammal bilishi, barcha xat-hujjatlarni kirill va lotin alifbosida orfografik va grammatik xatolarsiz yoza olishi lozim.

O'zbekiston Respublikasining Konstitutsiyasi, "O'zbekiston Respublikasining Markaziy banki to'g'risida"gi, "Banklar va bank faoliyati to'g'risida"gi hamda bank tizimiga doir boshqa turdagi qaror va farmonlardan xabardor bo'lish lozim.

MS Office (Word, Excel, Power Point, Outlook) dasturlarida erkin ishlay olishi lozim.

Mas'uliyatli hamda jamoa bilan ishlay olishi, yangiliklarga intiluvchan, o'z ustida ishlay olishi lozim.

Moliya, bank ishi, iqtisodiyot, statistika yoki unga turdosh yo‘nalishlar bo‘yicha oliy ma’lumot

Ish tajribasi talab etilmaydi, bank-moliya ma’lumotlari, statistik jadvallar yoki tahliliy materiallar bilan ishlash tajribasi ustunlik beradi; yangi bitiruvchilar uchun amaliyot va tadqiqot tajribasi inobatga olinadi

Ingliz tili B2 darajasida, rus tili B1 darajasida