Akkompaniator

2-§. Lavozim majburiyatlari

1. Jo‘rnavoz (akkomponiator) raqs to‘garaklarida o‘tkaziladigan mashg‘ulotlar jarayonida musiqaviy jo‘rlik ishlarini bajaradi.

2. Turli xil ko‘rik-tanlovlar, festivallar, bayramlar uchun xoreografik dasturlarni tayyorlash va yuqori saviyada o‘tkazishda musiqiy jo‘r bo‘lishni ta’minlaydi.

3. Havaskor raqs jamoalarini yuqori g‘oyaviy-badiiy saviyadagi milliy raqslarni o‘rganishlarida va namoyish etishlarida jo‘rnavozlik qiladi.

4. Havaskorlik raqs to‘garaklari mashg‘ulotlarining ish rejalari va jadvalarini tuzishda faol ishtirok etadi.

5. Mehnat va ijro intizomiga, texnika va yong‘in xavfsizligiga, sanitariya va gigiyena qoidalariga, xodimlar o‘rtasida o‘zaro hurmat va odob-axloq mezonlariga rioya qiladi.

3-§. Jo‘rnavoz (akkomponiator)ning huquqlari

1. Havaskorlik raqs san’ati va milliy raqslarga jo‘rnavozlik sohasiga yangi, zamonaviy uslublarni joriy etish bo‘yicha taklif-mulohazalarini yuqori tashkilotlarga va Markaz rahbariyatiga taqdim etish.

2. O‘zining ish faoliyatida tegishli mehnat sharoitlarini yaxshilash, zarur bo‘lgan musiqiy asboblar, boshqa kerakli anjomlar bilan ta’minlashni Markaz rahbariyatidan talab qilish.

3. O‘rnatilgan tartibda muammo va kamchiliklarni bartaraf etish yuzasidan tegishli yuqori tashkilot va idoralarga murojaat qilish.

4. Mehnat va jamoa shartnomalarida belgilangan imtiyozlardan foydalanish.

4-§. Jo‘rnavoz (akkomponiator)ning javobgarligi

1. O‘ziga yuklatilgan lavozim majburiyatlarini bajarish.

2. O‘z mehnat faoliyati davomida Markazning ichki tartib-qoidalari va Ustaviga qat’iy rioya qiladi.

3. Mazkur lavozim yo‘riqnomasi va boshqa qonun hujjatlariga asosan o‘z zimmasiga yuklatilgan majburiyatlarni bajarmaslik yoki lozim darajada bajarmaslik O‘zbekiston Respublikasi qonunchiligiga muvofiq choralar qo‘llanilishiga sabab bo‘ladi.

5-§. Malaka talablari

1. Kamida bakalavr darajasida oliy yoki o‘rta maxsus ma’lumotga ega bo‘lishi.

2. Raqs jamoalari va havaskorlik to‘garaklarida raqs mashg‘ulotlari jarayonida hamda konsert dasturlarida raqqos va raqqosalarga jo‘rnavozlik qilish yo‘nalishlari va uslublaridan, jo‘rnavozlik ustalari tajribasi hamda faoliyatidan xabardor bo‘lishi.

3. Raqslarga jo‘rnavozlik qilish mahoratiga ega bo‘lishi lozim.